AIDA, BAYTAQ және Parasat арасындағы өзара түсіністік туралы меморандумға қол қою рәсімі

AIDA, BAYTAQ және Parasat арасындағы өзара түсіністік туралы меморандумға қол қол рәсімі

2024 жылғы 20 желтоқсанда Астана қаласында «Атом өнеркәсібін дамыту қауымдастығы» (AIDA), Қазақстанның жасылдар партиясы «BAYTAQ», және «Парасат» кәсіпкерлер альянсы арасында атом энергиясы саласындағы ынтымақтастық пен даму туралы өзара түсіністік меморандумына қол қою рәсімі өтті.

Меморандумның негізгі мақсаты – атом энергиясын дамыту, ынтымақтастықты нығайту, инновациялар, экологиялық жауапкершілік және озық технологияларды енгізу саласындағы бастамаларды ілгерілету. Бұл құжат тараптардың ортақ қызығушылық тудыратын мәселелері бойынша кәсіби тәжірибе алмасуы мен консалтингті қарастырады.

Меморандумға қол қоятын тараптар:

🔹 «BAYTAQ» жасылдар партиясы – Қазақстандағы экологиялық қозғалыстың көшбасшысы болып табылатын жалғыз жасыл партия, тұрақты энергетика мен экологиялық технологияларды белсенді түрде ілгерілетуде.
🔹 Атом индустриясын дамыту қауымдастығы (AIDA) – Қазақстандағы атом саласының дамуындағы негізгі институт, халықаралық озық тәжірибені және жергілікті энергетика саласының әлеуетін біріктіреді.
🔹 «Парасат» кәсіпкерлер альянсы – Қазақстан Республикасының инновациялық-индустриялық дамуына қолайлы құқықтық және экономикалық жағдай жасауға ықпал ететін, ел кәсіпкерлерін біріктіруге арналған платформа.

Ынтымақтастықтың негізгі бағыттары:

AIDA тәжірибесін атом энергетикасын дамытуға және ядролық сектордың тұрақты инновациялық өсуін үйлестіруге пайдалану.
«BAYTAQ» партиясы жасыл энергетика мен экологиялық бастамаларды ілгерілетуге басымдық береді.
«Парасат» жергілікті қауымдастықтардың қатысуын арттыруға және қазіргі заманғы технологияларды енгізу үшін қолайлы құқықтық және экономикалық жағдайлар жасауға ықпал етеді.

Бұл меморандум Қазақстанның атом саласын дамытуға және алдағы атом электр станциясын салу аясында елдің тұрақты болашағын қамтамасыз етуге бағытталған күш-жігерді біріктірудің маңызды қадамы болып табылады.